പൃഥ്വിരാജിനെതിരെ വന്ന വിമര്‍ശനങ്ങളില്‍ ഇടപെട്ട് പരിഹരിക്കാന്‍ മുന്‍കൈയെടുത്തത് മമ്മൂട്ടി; മല്ലിക സുകുമാരന്‍


മലയാളത്തിലെ യുവ സൂപ്പര്‍ താരങ്ങളുടെ അമ്മയായ മല്ലിക സുകുമാരന്‍ സൂപ്പര്‍ സ്റ്റാറുകളുടെ വിശേഷങ്ങള്‍ ഓര്‍ത്തെടുക്കുകയാണ്. ഒരു പ്രമുഖ മാധ്യമത്തിന് നല്‍കിയ അഭിമുഖത്തിലാണ് മല്ലിക മമ്മൂട്ടിയെയും മോഹന്‍ലാലിനെയും പറ്റി തുറന്നു പറഞ്ഞത്.”എട്ടോ ഒന്‍പതോ വയസ്സുള്ളപ്പോള്‍ മുതല്‍ ലാലു ഞങ്ങളുടെ വീട്ടില്‍ വരുമായിരുന്നു. എന്റെ അച്ഛനും ലാലുവിന്റെ അച്ഛന്‍ വിശ്വനാഥന്‍ സാറും അടുത്ത സുഹൃത്തുക്കളായിരുന്നു. ലാലുവിന്റെ ചേട്ടനും ഞാനും ഒരുമിച്ച്‌ പഠിച്ചവരാണ്. വീട്ടിലെ ഇളയകുട്ടിയായിരുന്ന എനിക്കായിരുന്നു ലാലുവിന്റെ ചുമതല. ചെറുപ്പത്തില്‍ ഭയങ്കര കുസൃതിയായിരുന്നു ലാലു. കണ്ണുതെറ്റിയാല്‍ മരത്തിലും ടെറസിലുമൊക്കെ വലിഞ്ഞു കയറും. ; കുഞ്ഞു മോഹന്‍ലാലിനെ കുറിച്ച്‌ മല്ലിക ഓര്‍ക്കുന്നു.

മോഹന്‍ലാലിന്‍റെ കുസൃതിയെക്കുറിച്ച്‌ പറഞ്ഞ മല്ലിക പക്ഷെ മമ്മൂട്ടിയുടെ വ്യക്തിമാഹാത്മ്യത്തെ പറ്റിയാണ് പറഞ്ഞത്. സംഘടനയ്ക്കുള്ളില്‍ അഭിപ്രായ വ്യത്യാസങ്ങള്‍ ഉണ്ടായപ്പോഴും താരങ്ങളെ കഴിവതും ഒരുമിച്ച്‌ നിര്‍ത്തുന്നതില്‍ മമ്മൂട്ടി വലിയ പങ്കുവഹിച്ചിട്ടുണ്ട്. പൃഥ്വിരാജിനെതിരെ പലയിടത്തുനിന്നും അനാവശ്യ വിമര്‍ശനങ്ങളും പരിഹാസങ്ങളും ഉണ്ടായപ്പോള്‍ അതില്‍ ഇടപെട്ട് അത് പരിഹരിക്കേണ്ട വിധം ഇങ്ങനെയാണ് എന്ന് പറയാന്‍ മുന്‍കൈയെടുത്തത് മമ്മൂട്ടിയാണെന്നു മല്ലിക പറയുന്നു.

മമ്മൂട്ടി എന്ന വ്യക്തിയുടെ ലാളിത്യത്തെ തെളിയിക്കുന്ന ഒരു സംഭവവും മല്ലിക ഓര്‍ത്തെടുത്തു. “പടയണി എന്നൊരു ചിത്രം സുകുവേട്ടന്‍ നിര്‍മിച്ചിരുന്നു. അതില്‍ മമ്മൂട്ടിയും മോഹന്‍ലാലുമൊക്കെയുണ്ട്. മമ്മൂട്ടിയുടെ ഡേറ്റ് ഉറപ്പിക്കാനായി സുകുവേട്ടന്‍ എറണാകുളത്തിന് പോകാന്‍ ഒരുങ്ങി. മമ്മൂട്ടിയെ വിളിച്ചു. അദ്ദേഹം അന്നേ സൂപ്പര്‍ സ്റ്റാറാണ്. എന്നിട്ടും മമ്മൂട്ടി അവസാനം സുകുവേട്ടനെ ഇങ്ങോട്ട് വന്നു കണ്ടു. തന്നേക്കാള്‍ മുതിര്‍ന്ന നടനും നിര്‍മാതാവുമായ സുകുവേട്ടനെ അങ്ങോട്ട് ചെന്നുകാണാന്‍ കാണിച്ച ആ സ്‌നേഹം ഇപ്പോഴും എന്റെ മനസ്സിലുണ്ട്. സുകുവേട്ടന്‍ പറഞ്ഞു കേട്ടിട്ടുണ്ട്. പലപ്പോഴും പെട്ടെന്ന് പ്രകോപിതനാകുന്ന സ്വഭാവമായിരുന്നു മമ്മൂട്ടിക്ക്. പലപ്പോഴും ന്യായമായ കാര്യത്തിനായിരിക്കും. പക്ഷേ അത് കഴിഞ്ഞാല്‍ പുള്ളി പോയി കൂളായിട്ട് ഇടപെടും. ഒന്നും മനസ്സില്‍ വച്ച്‌ സംസാരിക്കാറില്ല. മമ്മൂട്ടി ഒരു പ്രകടനപ്രിയന്‍ അല്ല. ആരെയും സുഖിപ്പിച്ചു സംസാരിക്കാറില്ല. മമ്മൂട്ടി മമ്മൂട്ടിയാണ്,” ; മല്ലിക സുകുമാരന്‍ പറഞ്ഞു.

ബാഹുബലിയുടെ യൂട്യൂബ് റെക്കോര്‍ഡ് തകര്‍ത്ത് സായി പല്ലവി !!


ബാഹുബലിയുടെ യൂട്യൂബ് റെക്കോര്‍ഡ് തകര്‍ത്തിരിക്കുകയാണ് നടി സായി പല്ലവിയും കൂട്ടരും. തെന്നിന്ത്യയില്‍ ഏറ്റവുമധികം പേര്‍ കണ്ട ഗാനമെന്ന റെക്കോര്‍ഡ് ഇത് വരവെ ബാഹുബലിയുടെ ടൈറ്റില്‍ ട്രാക്കിനായിരുന്നു. എന്നാല്‍ അതിനു കടത്തിവെട്ടിയിരിക്കുകയാണ് സായി പല്ലവിയുടെ വച്ചിണ്ടേ വച്ചിണ്ടേ’ എന്ന ഗാനം. 2017 സെപ്തംബര്‍ 23 ന് യൂട്യൂബില്‍ പോസ്റ്റ് ചെയ്ത ഈ ഗാനം ഇതിനോടകം 15 കോടി ആളുകളാണ് കണ്ടത്. നാല് ലക്ഷം ലൈക്കും ഗാനത്തിനുണ്ട്. പന്ത്രണ്ട് കോടി കാഴ്ചക്കാരുമായി ബാഹുബലിയുടെ ടൈറ്റില്‍ ട്രാക്ക് രണ്ടാംസ്ഥാനത്തുമുണ്ട്.

ശേഖര്‍ കമുല സംവിധാനം ചെയ്തിരിക്കുന്ന തെലുങ്ക് ചിത്രം ഫിദയിലേതാണ് വച്ചിണ്ടേ വച്ചിണ്ടേ എന്ന ഗാനം. സായ് പല്ലവിയുടെ നൃത്തമാണ് പാട്ടിലെ പ്രധാന ആകര്‍ഷണം. വരുണ്‍ തേജയാണ് ചിത്രത്തിലെ നായകന്‍.

പരീക്ഷണം ആയിരുന്നെങ്കില്‍ സ്വന്തം പണം മുടക്കണമായിരുന്നു; പൃഥ്വിരാജിന് മറുപടി നല്‍കി രണത്തിന്റെ നിര്‍മ്മാതാവ് !!


പൊതുവേദിയില്‍ രണം പരാജയമാണെന്ന് പറഞ്ഞ പൃഥ്വിരാജിന്റെ പ്രതികരണത്തിന് മറുപടിയുമായി ചിത്രത്തിന്റെ സഹനിര്‍മ്മാതാക്കളായ ലോസണ്‍ എന്റര്‍ടെയ്ന്‍മെന്റ് ഉടമ ബിജു ലോസണ്‍. താന്‍ ചെയ്യുന്ന എല്ലാ സിനിമകളും വിജയിക്കില്ലെന്നും അത് അറിഞ്ഞുകൊണ്ട് തന്നെയാണ് പലപ്പോഴും പരീക്ഷണങ്ങള്‍ക്ക് തയ്യാറാകുന്നതെന്നും രണം പോലെയുള്ള സിനിമകള്‍ അക്കൂട്ടത്തില്‍ പെടുന്നതാണെന്നുമൊക്കെയായിരുന്നു പൃഥ്വിയുടെ അഭിപ്രായപ്രകടനം. അഞ്ജലി മേനോന്‍ ചിത്രം കൂടെയുടെ പബ്ലിസിറ്റിയുടെ ഭാഗമായി നടത്തിയ സംവാദത്തിലായിരുന്നു പൃഥ്വിയുടെ ഈ വിവാദ പരാമര്‍ശം.

എന്തായാലും പൃഥ്വിയുടെ ഈ പ്രതികരണത്തിനെതിരെ നടന്‍ റഹ്മാന്‍ ഫേസ്ബുക്കില്‍ പ്രതികരിച്ചിരുന്നു. ഈ പ്രതികരണത്തിന് താഴെ നടന്ന ചര്‍ച്ചയിലാണ് ബിജു ലോസണിന്റെ പ്രതികരണം. പൃഥ്വി പറഞ്ഞത് വസ്തുതയാണെന്നും ചിത്രം ഗംഭീരമാണെന്നതില്‍ സംശയമില്ലെന്നും പക്ഷേ പ്രേക്ഷക പ്രതികരണം ആവറേജ് ആയിരുന്നുവെന്നും ഒരു പ്രേക്ഷകന്‍ ബിജു ലോസണെ ടാഗ് ചെയ്തുകൊണ്ട് അഭിപ്രായപ്പെടുകയായിരുന്നു. ഇതിനോടാണ് അദ്ദേഹം പ്രതികരിച്ചത്.

ശരിയാണ്. ഈ ചിത്രം പരീക്ഷണമായിരുന്നെങ്കില്‍ അദ്ദേഹം സ്വന്തം പണം മുടക്കി അത് നിര്‍മ്മിക്കണമായിരുന്നു. അല്ലാതെ നിര്‍മ്മാതാവിന്റെ പണമായിരുന്നില്ല ഉപയോഗിക്കേണ്ടിയിരുന്നത്. സിനിമയ്ക്ക് ആവറേജ് പ്രതികരണമാണ്. പക്ഷേ തീയേറ്ററുകളില്‍ ഓടിക്കൊണ്ടിരിക്കുമ്ബോള്‍ അദ്ദേഹം ഒരു പൊതുവേദിയില്‍ അങ്ങനെ പറയാന്‍ പാടില്ലായിരുന്നു. ബിജു ലോസണിന്റെ ലോസണ്‍ എന്റര്‍ടെയ്ന്‍മെന്റും ആനന്ദ് പയ്യന്നൂരിന്റെ യെസ് സിനിമാ കമ്ബനിയും ചേര്‍ന്നാണ് രണം നിര്‍മ്മിച്ചത്.

നസ്രിയയെ നെഞ്ചോടു ചേര്‍ത്തുനിര്‍ത്തി ഫഹദിന്റെ പ്രസംഗം; ആഘോഷമാക്കി കാണികള്‍..!!


ആരാധകരുടെ ഏറെ പ്രിയപ്പെട്ട താര ജോഡികള്‍ ഒരുമിച്ചെത്തി കൈയ്യടിനേടി. കൊച്ചി ഇന്‍ഫോ പാര്‍ക്കില്‍ സൈബര്‍ സുരക്ഷയെ സംബന്ധിച്ച സമ്മേളനം കൊക്കൂണ്‍ 11 പ്രചാരണ പരിപാടിയില്‍ അതിഥികളായാണ് ഇരുവരും എത്തിയത്. കൊക്കൂണിന്റെ ടീസര്‍ വിഡിയോ പ്രകാശനം ഇരുവരും ചേര്‍ന്ന് നിര്‍വഹിച്ചു. ഉദ്ഘാടന ചടങ്ങില്‍ സംസാരിക്കുന്നതിനായി ഫഹദ് നസ്രിയയെ നെഞ്ചോട് ചേര്‍ത്ത് പിടിച്ചത് ഓഡിയന്സിന്റെ ഇടയില്‍ ഹര്‍ഷാരവം കൂട്ടി. സൈബര്‍ രംഗത്തെ ചതിക്കുഴികളെക്കുറിച്ച്‌ ബോധവത്കരണം ഈ സമയത്ത് അനിവാര്യമാണെന്ന് ഫഹദ് പറഞ്ഞു.

പരിപാടിയെ ശ്രദ്ധേയമാക്കിയത് ഫഹദിന്റെ പ്രസംഗമായിരുന്നു. നസ്രിയയെ നെഞ്ചോടു ചേര്‍ത്തി നിര്‍ത്തിയായിരുന്നു ഫഹദിന്റെ പ്രസംഗം.സൈബര്‍ സുരക്ഷ സംബന്ധിച്ച്‌ രാജ്യത്തെ ഏറ്റവും പ്രശസ്തമായ രാജ്യാന്തര സമ്മേളനത്തിന്റെ പ്രചാരണപരിപാടിയുടെ ഭാഗമാകാന്‍ കഴിഞ്ഞതില്‍ വളരെയേറെ അഭിമാനമുണ്ടെന്ന് ഇരുവരും പറഞ്ഞു. ഉദ്ഘാടനത്തിനു ശേഷം വേദിയിലേയ്ക്ക് തിരികെ പോകാനൊരുങ്ങിയ നസ്രിയയെ അരികിലേയ്ക്കു ചേര്‍ത്തി നിര്‍‍ത്തിയായിരുന്നു ഫഹദിന്റെ പ്രസംഗം.

ഞാന്‍ ഉദ്ഘാടനം ചെയ്താല്‍ മതി, ഇവള്‍ സംസാരിച്ചോളാമെന്നാണ് പറഞ്ഞത്, സദസ്സിനോട് ഫഹദ് തമാശരൂപേണ പറഞ്ഞു. ഇവിടെയെത്തിയപ്പോള്‍ പ്ലാന്‍ മാറ്റിയെന്നും ഇപ്പോള്‍ ഞാനാണ് ഉദ്ഘാടനം ചെയ്തതെന്നും അതിനാല്‍ ഫഹദ് സംസാരിക്കണമെന്നുമായിരുന്നു നസ്രിയയുടെ കൗണ്ടര്‍.

കുഞ്ഞു വാവയ്ക്ക്‌ മടിയിലിരുത്തി പാല് കൊടുത്ത് സണ്ണി, അമ്മയ്ക്ക് കുറിതൊട്ടു നല്‍കി നിഷ !!


വിനായക ചതുര്‍ഥി ആഘോഷിച്ച്‌ ബോളിവുഡ് നടി സണ്ണി ലിയോണും കുടുംബവും. മുംബൈയിലുള്ള പുതിയ വസതിയിലാണ് സണ്ണി ആഘോഷ പരിപാടികള്‍ സംഘടിപ്പിച്ചത്.ആഘോഷത്തിന്റെ ചിത്രങ്ങള്‍ സാമൂഹിക മാധ്യമങ്ങളില്‍ പങ്കുവയ്ച്ചത് സണ്ണി തന്നെയാണ്. മൂത്ത കുഞ്ഞ് നിഷ സണ്ണിയുടെയും ഭര്‍ത്താവ് ഡാനിയേല്‍ വെബ്ബറിന്റെയും തെറ്റിയില്‍ കുറിതൊടുന്ന ദൃശ്യങ്ങള്‍ സാമൂഹിക മാധ്യമങ്ങള്‍ ഏറ്റെടുത്തു കഴിഞ്ഞു. ഇരട്ടകുട്ടികളില്‍ ഒരാള്‍ സണ്ണിയുടെ മടിയില്‍ ഇരുന്ന് പാലു കുടിക്കുന്നുണ്ട്.

ദൈവത്തില്‍ ഞാന്‍ വിശ്വസിക്കുവാനുള്ള പ്രധാന കാരണം ഇവളാണ്. അവള്‍ ഇത്തരത്തില്‍ ഞങ്ങളെ അനുഗ്രഹിക്കുമ്ബോള്‍ ദൈവത്തിന്റെ കരങ്ങള്‍ ശിരസ്സിലുള്ള പോലെ തോന്നും. എനിക്കും ഡാനിയേലിനും സ്വര്‍ഗത്തില്‍ നിന്ന് ലഭിച്ച സമ്മാനമാണ് നിഷ- സണ്ണി കുറിച്ചു.കഴിഞ്ഞ വര്‍ഷം ജൂലൈ മാസത്തിലാണ് സണ്ണിയുടെയും ഡാനിയേലിന്റെയും ജീവിതത്തിലേക്ക് നിഷ കടന്നുവരുന്നത്. മഹാരാഷ്ട്രയിലെ ലാത്തൂരിലെ ഒരു അനാഥാലയത്തില്‍ നിന്ന് ഇരുപത്തിയൊന്നു മാസം പ്രായമുള്ള കുഞ്ഞിനെ ഇവര്‍ ദത്തെടുക്കുകയായിരുന്നു.

അതിനുശേഷം വാടക ഗര്‍ഭപാത്രത്തിലൂടെ സണ്ണിക്ക് ഇരട്ട കുഞ്ഞുങ്ങള്‍ പിറന്നു. അഷര്‍ സിങ് വെബ്ബര്‍, നോവ സിങ് വെബ്ബര്‍ എന്നാണ് കുട്ടികളുടെ പേര്.

പേളി പ്ലേറ്റ് മാറ്റുന്നു; കളി മടുത്തെന്ന് പ്രഖ്യാപനം, ഒന്നും മനസ്സിലാവാതെ വാ പൊളിച്ച്‌ ശ്രീനിഷ് !!


86ാം ദിവസം രാവിലെ തന്നെ മത്സരാര്‍ത്ഥികള്‍ ഡാന്‍സ് പരിശീലനം ആരംഭിച്ചു. വ്യായാമത്തിന്റെ ഭാഗമായാണ് നൃത്തം ചെയ്യുന്നത്. അര്‍ച്ചനയുടെ നേതൃത്വത്തിലാണ് നൃത്തം നടന്നത്. ബിഗ് ബോസില്‍ പുതിയ അതിഥി എത്തുകയാണെന്ന് ബിഗ് ബോസ് അറിയിച്ചു. സല്‍മാന്‍ ഖാനായിരിക്കുമോ വരുന്നതെന്നാണ് ഷിയാസ് ചോദിച്ചത്. എന്നാല്‍ ഒരു കോലമാണ് ബിഗ് ബോസ് എത്തിച്ചത്. ഇതിനെ താങ്ങിപ്പിടിച്ച്‌ മത്സരാര്‍ത്ഥികള്‍ ലിവിംഗ് റൂമിലെത്തിച്ചു. ഈ അതിഥിയെ നന്നായി പരിചരിക്കാനും ഇയാളുടെ പോയകാല ജീവിതം കണ്ടെത്താനുമാണ് ബിഗ് ബോസ് ടാസ്കായി നിര്‍ദേശിച്ചത്. ‘രമേശ്’ എന്നാണ് കോലത്തിന് മത്സാരാര്‍ത്ഥികള്‍ പേരിട്ടത്. ഈ കോലത്തെ എടുത്ത് മത്സരാര്‍ത്ഥികള്‍ ഡാന്‍സ് ചെയ്തു.

പുതുതായി എത്തിയ അതിഥിക്ക് നല്ല പശ്ചാത്തലമാണോ മോശം പശ്ചാത്തലം ആണോയെന്ന് കണ്ടെത്തണം. തുടര്‍ന്ന് സാബുവും പേളിയും നേതത്വം നല്‍കി കൊണ്ട് അന്വേഷണം ആരംഭിച്ചു. ഇതിനിടെ ഈ അതിഥിയെ കണ്‍ഫെഷന്‍ റൂമിലെത്തിക്കാന്‍ ബിഗ് ബോസ് ആവശ്യപ്പെട്ടു. തുടര്‍ന്ന് കോലം കണ്‍ഫെഷന്‍ മുറിയിലെത്തിച്ചു. ബിഗ് ബോസില്‍ ബോംബ് വെക്കാനാണ് എത്തിയതെന്ന് അപരിചിതനായ അതിഥിക്ക് വേണ്ടി ബിഗ് ബോസ് അറിയിച്ചു. ഗ്രാന്‍ഡ് ഫിനാലെയ്ക്ക് ദിവസങ്ങള്‍ മാത്രം ബാക്കി നില്‍ക്കെ പല മത്സരാര്‍ത്ഥികളും പകല്‍സമയം അലസതയോടെ ഇരിക്കുന്നതായി ബിഗ് ബോസ് വ്യക്തമാക്കി. നിയമം തെറ്റിക്കരുതെന്നും ഊര്‍ജ്ജസ്വലതയോടെ ഇരിക്കണമെന്നും ബിഗ് ബോസ് അറിയിച്ചു. ഈ സമയത്ത് കട്ടിലില്‍ തന്നെ കിടന്ന അതിഥിക്കും അര്‍ച്ചനയ്ക്കും ബിഗ് ബോസ് ശിക്ഷ നല്‍കി. പൂളില്‍ 20 തവണ ചാടാനാണ് ബിഗ് ബോസ് പറഞ്ഞത്. ഇനി ഇത് ആവര്‍തത്തിക്കില്ലെന്ന് ബോര്‍ഡില്‍ എഴുതുകയും വേണം. തുടര്‍ന്ന് ഇരുവരും സ്വിമ്മിംഗ് പൂളില്‍ ചാടി.

ഇതിനിടെ പേളിയും ശ്രീനിഷും തമ്മില്‍ വഴക്കുണ്ടായി. പേളി തന്നെ എപ്പോഴും അവഗണിക്കുകയാണെന്ന് ശ്രീനിഷ് പറഞ്ഞു. സംസാരിക്കാന്‍ താത്പര്യം ഇല്ലാത്തത് പോലെയാണ് പേളിയുടെ പെരുമാറ്റമെന്നും ശ്രീനിഷ് തുറന്നടിച്ചു. എന്നാല്‍ ശ്രീനിഷ് അനാവശ്യമായി വഴക്കുണ്ടാക്കുകയാണെന്ന് പറഞ്ഞ് പേളി എഴുന്നേറ്റ് പോയി. തുടര്‍ന്ന് ഇതിനെ ചൊല്ലി ഇരുവരും തമ്മില്‍ വീണ്ടും സംസാരമുണ്ടായി. ‘പലപ്പോഴും പേളി എന്നെ അവഗണിക്കുന്നു. എന്നോട് മിണ്ടില്ല. പലപ്പോഴും ഞാന്‍ ശശി ആവുകയാണ്. ഞാനാണ് സംസാരിക്കാത്തതെന്ന് പേളി പറയുന്നു. പക്ഷെ നീ മറ്റുളളവരോട് സംസാരിക്കുമ്ബോള്‍ ഭയങ്കര സന്തോഷത്തിലാണ്. എന്നാല്‍ എന്നോട് അങ്ങനെ അല്ല’, ശ്രീനിഷ് പറഞ്ഞു. എന്നാല്‍ ശ്രീനിഷ് തന്നെയാണ് അവഗണിക്കുന്നതെന്ന് പറഞ്ഞു. ‘ഞാന്‍ ഒരിക്കലും നിന്നെ വിട്ട് ഓടിപ്പോവില്ല. നിന്റെ കൂടെ ഒരുപാട് നേരം ചെലവഴിക്കണമെന്നുണ്ട് എനിക്ക്. പഴയ ബന്ധങ്ങളെ കുറിച്ച്‌ സംസാരിക്കണ്ട. നമ്മള്‍ ഇവിടെ വെച്ചാണ് കണ്ടുമുട്ടിയത്. ശ്രീനിഷിനെ ഞാന്‍ അവഗണിക്കുന്നില്ല. എനിക്ക് പലപ്പോഴും ശ്രീനിഷ് സംസാരിക്കാതിരിക്കുമ്ബോള്‍ ഒറ്റപ്പെടല്‍ തോന്നാറുണ്ട്. പക്ഷെ ശ്രീനിഷ് പലപ്പോഴും കുറ്റപ്പെടുത്തുകയാണ്. ഞാന്‍ പലപ്പോഴും കാര്യങ്ങളില്‍ നന്നായി ബോധവതിയായി പറയേണ്ടി വരുന്നു. തോന്നുന്നതൊക്കെ പറഞ്ഞാല്‍ ശ്രീനിഷിന് വിഷമം ആകുമോയെന്ന് തോന്നുന്നു’, ഇതും പറഞ്ഞ് പേളി കരഞ്ഞു.

നമ്മുടെ ബന്ധം സെറ്റാവില്ലെന്ന് പറയാനാണോ ഇക്കാര്യമൊക്കെ പറയുന്നതെന്ന് ശ്രീനിഷ് ചോദിച്ചു. ‘അങ്ങനെ ആണെങ്കില്‍ പറയണം. ഷിയാസ് വിജയിക്കണം എന്നാണ് ഞാന്‍ ആഗ്രഹിക്കുന്നത്. നീ സന്തോഷവതിയല്ലെന്ന് അറിയാം. പഴയത് പോലെ അല്ല പേളി. രാത്രി സംസാരിക്കുമ്ബോഴും ഉറക്കം വരുന്നെന്ന് ഇപ്പോള്‍ പറയുന്നു. മടുപ്പ് തോന്നുന്നത് കൊണ്ടല്ലെ അങ്ങനെയൊക്കെ ചെയ്യുന്നത്. നീ ഗെയിം കളിക്കുകയാണെന്നാണ് മറ്റുളളവര്‍ പറയുന്നത്. പക്ഷെ എനിക്ക് നിന്നെ വിവാഹം ചെയ്യണമെന്നാണ് ആഗ്രഹം. നീ ഓരോ സമയവും ഓരോ സ്വഭാവമാണ്. ഈ വ്യത്യാസം കാണുമ്ബോള്‍ എനിക്ക് വിഷമമുണ്ട്. പേളിയുടെ ഉദ്ദേശം എന്താണ്. ഗ്രാന്‍ഡ് ഫിനാലെയില്‍ എത്താനാണ് ഇതൊക്കെ എന്ന് മറ്റുളളവരും പറയുന്നു’, ശ്രീനിഷ് പറഞ്ഞു. എന്നാല്‍ അതൊക്കെ ശ്രീനിഷിന് തോന്നുന്നതാണെന്നും തന്നെയാണ് ശ്രീനിഷ് അവഗണിക്കുന്നതെന്നും പേളി വ്യക്തമാക്കി.

രാത്രിയോടെ ബിഗ് ബോസ് ഒരു ടാസ്ക് നല്‍കി. എല്ലൂരി രാജ എന്നാണ് ടാസ്കിന്റെ പേര്. മടി കാണിക്കുന്ന മത്സരാര്‍ത്ഥികളെ ഊര്‍ജ്ജസ്വലരാക്കാനാണ് ടാസ്കെന്ന് ബിഗ് ബോസ് അറിയിച്ചു. എന്നാല്‍ താന്‍ ബിഗ് ബോസില്‍ നില്‍ക്കുന്നില്ലെന്ന് പേളി പറഞ്ഞു. ‘എനിക്ക് ടാസ്ക് കളിക്കാന്‍ പറ്റില്ല. എനിക്ക് മതിയായി. മടുത്തു, ഈ ഗെയിം എനിക്ക് ഇനി കളിക്കണ്ട. ബിഗ് ബോസിനോട് പറഞ്ഞ് എനിക്ക് പുറത്ത് പോണം. കാരണമൊന്നും ഇല്ല, പക്ഷെ എനിക്ക് പുറത്ത് പോണം. ഇനി നില്‍ക്കാന്‍ കഴിയില്ല. ഇനി എനിക്ക് പറ്റില്ല. വീട്ടില്‍ പോയെ പറ്റു. ഞാന്‍ സന്തോഷം ഉളളത് പോലെ അഭിനയിക്കുകയാണ്. എന്റെ വിഷമം പറഞ്ഞാല്‍ നിങ്ങള്‍ക്ക് മനസ്സിലാവില്ല’, ഇതും പറഞ്ഞ് പേളി പൊട്ടിക്കരഞ്ഞു. മറ്റുളളവര്‍ പേളിയെ സമാധാനിപ്പിക്കാന്‍ ശ്രമിച്ചെങ്കിലും പേളി കരച്ചില്‍ തുടര്‍ന്നു. പേളിക്കും ശ്രീനിഷിനും ഒപ്പം തങ്ങളുണ്ടെന്ന് സുരേഷ് പറഞ്ഞു. എന്നാല്‍ താന്‍ കളി മതിയാക്കുകയാണെന്ന് പേളി വ്യക്തമാക്കി. എന്നാല്‍ ഇതിന് പിന്നാലെ പേളിയും മറ്റ് മത്സരാര്‍ത്ഥികള്‍ക്കൊപ്പം ടാസ്കില്‍ പങ്കെടുത്തെങ്കിലും തളര്‍ന്ന ശരീരഭാഷയായിരുന്നു പേളിക്ക്. ശ്രീനിഷുമായുളള ബന്ധം തന്നെയാണ് പേളിയെ അലട്ടുന്നതെന്ന് കരുതേണ്ടി വരും. മത്സരം അവസാന ആഴ്ച്ചയിലേക്ക് കടക്കുന്നതോടെ ഇരുവരും തമ്മില്‍ വിവാഹതിരാവുമോ എന്ന് ഉറ്റുനോക്കുകയാണ് എല്ലാവരും. ഇതിനിടെയാണ് തനിക്ക് പുറത്ത് പോവണമെന്ന് കരഞ്ഞ് കൊണ്ട് പേളി പറയുന്നത്. രാത്രി ശ്രീനിഷും പേളിയും പരസ്പരം സോറി പറഞ്ഞാണ് ഉറങ്ങാന്‍ പോയത്.

അനുപമ പരമേശ്വരന്റെ ഏറ്റവും പുതിയ സിനിമയിലെ കിടിലൻ ട്രെയ്‌ലർ വന്നിട്ടുണ്ട് !!

Anupama Parameswaran is an Indian film actress who appears in Telugu, Malayalam, and Tamil-language films. She is best known for her debut role as Mary George in the Malayalam film Premam and as Nithya in Sathamanam Bhavati and as Maha in Vunnadhi Okate Zindagi.

മുടി മുറിച്ചതിന്റെ കാരണം വ്യക്തമാക്കി നടി സംവൃത..!!


നീണ്ട മുടിയോടെ മലയാളി മനസ്സുകളില്‍ ഇടം നേടിയ നടിയാണ് സംവൃത സുനില്‍. വിവാഹത്തോടെ സിനിമയില്‍ നിന്നും പിന്മാറിയ താരം നീണ്ട ഇടവേളയ്ക്ക് ശേഷം അവതാരക റോളില്‍ തിരിച്ചെത്തിയിരിക്കുകയാണ്. ഭര്‍ത്താവ് അഖിലിനും ഇഷ്ടപ്പെട്ട നീണ്ട മുടി മുറിച്ചതിനു പിന്നിലെ കാരണം വ്യക്തമാക്കിയിരിക്കുകയാണ് താരം.സംവൃതയുടെ വാക്കുകള്‍ ഇങ്ങനെ…’ക്യാന്‍സര്‍ ബാധിതരായ കുട്ടികള്‍ക്ക് വിഗ് ഉണ്ടാക്കാന്‍ വേണ്ടിയാണ് തന്റെ നീണ്ട മുടി മുറിച്ചു നല്‍കിയതെന്ന് സംവൃത ഒരു മാധ്യമത്തിനു നല്‍കിയ അഭിമുഖത്തില്‍ പറഞ്ഞു. വീടിന് അടുത്ത് ‘വിഗ്‌സ് ഫോര്‍ കിഡ്‌സ്’ എന്ന സംഘടന പ്രവര്‍ത്തിക്കുന്നുണ്ട്.

കാന്‍സര്‍ ബാധിച്ച കുട്ടികള്‍ക്കും ജന്‍മനാ മുടി വളരാത്ത കുട്ടികള്‍ക്കും വേണ്ടി അവര്‍ വിഗ് ഉണ്ടാക്കുന്നുണ്ട്. അവരുടെ പരസ്യം കണ്ടപ്പോള്‍ മുടി ഡൊണേറ്റ് ചെയ്യണമെന്ന് ആഗ്രഹം തോന്നി. എന്നാല്‍ ആദ്യം എനിക്ക് ധൈര്യം ഉണ്ടായില്ല.അഖിലിനും എനിക്കും നീണ്ടമുടിയാണ് ഇഷ്ടം.എന്നാല്‍ ആഗ്രഹം ഉണ്ടെങ്കില്‍ മുടി വെട്ടിക്കോളാന്‍ അഖില്‍ പറഞ്ഞു.

പാര്‍ലറില്‍ പോയപ്പോള്‍ മുടി വെട്ടുന്ന സ്ത്രീ പറഞ്ഞു എന്റെ മുടി കൊണ്ട് മൂന്ന് കുട്ടികള്‍ക്ക് വിഗ് ഉണ്ടാക്കാമെന്ന്. മുടി വെട്ടിയ ഉടനേയാണ് മംമ്ത വീട്ടിലെത്തിയത്. ഒരുമിച്ചുള്ള പടം എടുത്ത് ഇന്‍സ്റ്റാഗ്രാമില്‍ പോസ്റ്റ് ചെയ്തു.അപ്പോഴാണ് എല്ലാവരും അറിഞ്ഞത്’