മോഹൻലാൽ ചിത്രം “ഡ്രാമ” ഇറങ്ങും മുൻപേ റെക്കോർഡ് തുകയ്ക്ക് സാറ്റലൈറ്റ് പോയി..സാറ്റലൈറ്റ് തുക !!


രഞ്ജിത് സംവിധാനം ചെയ്ത മോഹന്‍ലാല്‍ ചിത്രം ഡ്രാമയുടെ സാറ്റലൈറ്റ് അവകാശം സൂര്യ ടിവി സ്വന്തമാക്കി. 6.25 കോടി രൂപ ചിത്രത്തിനായി സൂര്യ നല്‍കിയെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. സെപ്റ്റംബറില്‍ ചിത്രം തിയറ്ററുകളിലെത്തും. ഏറക്കുറേ മുഴുവനായും ലണ്ടനില്‍ നടക്കുന്ന കഥയാണ് ഡ്രാമ പറയുന്നത്. ഈ കൂട്ടുകെട്ടിലെ മുന്‍ ചിത്രങ്ങളില്‍ നിന്നു വ്യത്യസ്തമായി മാസ് ഘടകങ്ങള്‍ തീരെയില്ലാത്ത ഒരു ചിത്രമായിരിക്കും ഡ്രാമ.

തമാശയും സെന്റിമെന്റ്‌സും ഫാമിലി ഡ്രാമയുമെല്ലാം ചേര്‍ന്ന ചിത്രമായിരിക്കും ഇതെന്നാണ് സൂചന. മലയാളത്തില്‍ ഇതുവരെ വരാത്ത സ്വഭാനത്തിലുള്ള ചിത്രമാണിതെന്നാണ് അടുത്തിടെ ഒരു അഭിമുഖത്തില്‍ മോഹന്‍ലാല്‍ പറഞ്ഞത്. വളരേ വേഗത്തില്‍ ഒരുക്കിയ ഈ പ്രൊജക്റ്റില്‍ ഏറെ പ്രതീക്ഷയാണ് താരത്തിനുള്ളത്.

ബന്ധുക്കള്‍ക്കൊപ്പം താമസിക്കാന്‍ ലണ്ടനില്‍ എത്തുന്ന ഒരു വയോധിക മരണപ്പെടുന്നതും തുടര്‍ന്നു നടക്കുന്ന സംഭവ വികാസങ്ങളുമാണ് ഹാസ്യത്തിന്റെ മേമ്‌ബൊടിയില്‍ അവതരിപ്പിക്കുന്നതെന്നാണ് സൂചന. ചുരുങ്ങിയ ചുറ്റുപാടുകള്‍ക്കകത്ത് നടക്കുന്ന കഥയായാണ് ചിത്രം ഒരുങ്ങുന്നത്. ശ്യാമപ്രസാദ്, ദിലീഷ് പോത്തന്‍, ജോണി ആന്റണി, കനിഹ, കോമള്‍ ശര്‍മ, നിരഞ്ജ്, സിദ്ദിഖ്, ടിനി ടോം, ബൈജു, സുരേഷ് കൃഷ്ണ തുടങ്ങിയവരും പ്രധാന അഭിനേതാക്കളായുണ്ട്. വിനു തോമസാണ് സംഗീതം നല്‍കുന്നത്. ഛായാഗ്രഹണം അഴകപ്പനും എഡിറ്റിംഗ് പ്രശാന്ത് നാരായണനും നിര്‍വഹിക്കുന്നു.

അമല പോളിന് സിനിമാ ഷൂട്ടിങ്ങിനിടെ പരിക്കേറ്റു; അപകടമുണ്ടായത് ഡ്യൂപ്പില്ലാതെ സംഘട്ടന രംഗത്തില്‍ അഭിനയിച്ചപ്പോൾ..ഫോട്ടോസ് വൈറൽ !!


നടി അമല പോളിന് സിനിമാ ഷൂട്ടിംഗിനിടെ വീണ് പരിക്കേറ്റു. തമിഴ് ചിത്രമായ ‘അതോ അന്ത പറവൈ’ക്ക് വേണ്ടിയുള്ള സംഘട്ടന രംഗം ചിത്രീകരിക്കുന്നതിനിടെയാണ് അമലയ്ക്ക് പരിക്കേറ്റത്. വീഴ്ചയില്‍ അമലയുടെ വലതുകൈയ്ക്കാണ് പരുക്കേറ്റത്. കൈയ്ക്ക് പരുക്കേറ്റ താരം ഇപ്പോള്‍ കൊച്ചിയിലെ ആശുപത്രിയില്‍ ചികിത്സയിലാണ്.

ആക്ഷന്‍ പ്രാധാന്യമുള്ള ചിത്രത്തിന്റെ ഭൂരിഭാഗവും ഡ്യൂപ്പിനെ ഉപയോഗിക്കാതെയാണ് അമല ചെയ്തിരിക്കുന്നത്. സംഘട്ടന രംഗം ചിത്രീകരണത്തിനിടെയായിരുന്നു അപകടം. വീഴ്ചയില്‍ കൈക്കുഴ തെറ്റുകയായിരുന്നു. ഉളുക്ക് മാത്രമായിരിക്കുമെന്നു കരുതി ഷൂട്ടിംഗ് തുടര്‍ന്നെങ്കിലും പിന്നീട് പരുക്ക് വഷളായതിനെ തുടര്‍ന്ന് ഷൂട്ടിംഗ് നിര്‍ത്തുകയായിരുന്നു.

ആശുപത്രിക്കിടക്കയില്‍ നിന്നുള്ള അമലയുടെ ചിത്രങ്ങള്‍ സോഷ്യല്‍ മീഡിയയില്‍ വൈറലായിരിക്കുകയാണ്. വിനോദ് കെആര്‍ സംവിധാനം ചെയ്യുന്ന സസ്‌പെന്‍സ് ത്രില്ലര്‍ ചിത്രമാണ് ‘അതോ അന്ത പറവൈ’. പശ്ചിമഘട്ടത്തിലാണ് ചിത്രത്തിന്റെ ഷൂട്ടിംഗ്. ഉള്‍ക്കാട്ടിലകപ്പെട്ടുപോയ സ്ത്രീയുടെ കഥയാണ് ചിത്രം. ആശിഷ് വിദ്യാര്‍ഥി, സമീര്‍ കൊച്ചാര്‍, സുപ്രീം സുന്ദര്‍ എന്നിവരും ചിത്രത്തിലുണ്ട്. അമലയാണ് ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത്.

രൺവീർ ദീപിക വിവാഹം ഉറപ്പിച്ചു..വിവാഹ തീയതി !!


സിനിമാ പ്രേമികള്‍ ഏറെ നാളായി കാത്തിരുന്ന കാര്യമായിരുന്നു രണ്‍വീറും ദീപികയും തമ്മിലുളള വിവാഹം. നവംബറിലായിരിക്കും ആ താരമാമാങ്കം നടക്കുകയെന്നാണ് റിപ്പോര്‍ട്ടുകള്‍ വന്നിരിക്കുന്നത്. ബോളിവുഡ് നടന്‍ കബീര്‍ ബേദിയാണ് രണ്‍വീര്‍-ദീപിക വിവാഹ വാര്‍ത്തകള്‍ സ്ഥിരീകരിച്ച്‌ രംഗത്തെത്തിയിരിക്കുന്നത്. കബീര്‍ ബേദി തന്റെ ട്വിറ്റര്‍ പേജിലൂടെയായിരുന്നു ഇക്കാര്യം അറിയിച്ചത്. താരജോഡികള്‍ക്ക് ആശംസകള്‍ നേര്‍ന്നാണ് കബീര്‍ ബേദി ട്വീറ്റ് ചെയ്തിരിക്കുന്നത്. ട്വീറ്റ് സോഷ്യല്‍ മീഡിയയില്‍ എല്ലാം തന്നെ വൈറലായിരിക്കുകയാണ്.

നവംബര്‍ 20നാണ് ആകാംക്ഷയോടെ കാത്തിരിക്കുന്ന താരവിവാഹം നടക്കുക. വിരാട് കോഹ്ലിയുടെയും അനുഷ്‌ക ശര്‍മ്മയുടെയും വിവാഹം നടന്ന അതേ വേദിയില്‍ വെച്ചായിരിക്കും രണ്‍വീറിന്റെയും ദീപികയുടെയും വിവാഹം നടക്കുക. ജുലായിലാണ് വിവാഹം നടക്കുക എന്നായിരുന്നു റിപ്പോര്‍ട്ടുകള്‍ വന്നതെങ്കിലും ഇരുവരുടെയും സിനിമാത്തിരക്കുകള്‍ കാരണം നവംബറിലേക്ക് മാറ്റുകയായിരുന്നു.

ഇറ്റലിയില്‍ വെച്ചാണ് താരജോഡികളുടെ വിവാഹം നടക്കുക. വിവാഹത്തിന് മുന്നോടിയായി രണ്‍വീറിന്റെയും കുടുംബത്തിന്റെയും ഒപ്പം ദീപിക ആഭരണങ്ങള്‍ വാങ്ങാന്‍ ലണ്ടനില്‍ പോയത് വാര്‍ത്തകളില്‍ ഇടംപിടിച്ചിരുന്നു. വിവാഹ ശേഷം താമസിക്കാനുളള വീടിന്റെ അന്തിമഘട്ട പണികള്‍ പൂര്‍ത്തികരിക്കുന്നതിന്റെ തിരക്കിലാണ് ഇരുകൂട്ടരും ഉളളത്.

ലൂസിഫർ ലൊക്കേഷനിൽ കോസ്റ്റ്യൂം ചേഞ്ച് ചെയ്യാതെ തന്നെ പ്രസ് മീറ്റിലെത്തി 25 ലക്ഷം ദുരിതാശ്വാസ ഫണ്ടിലേക്ക് നൽകി (വീഡിയോ) !!

മുഖ്യമന്ത്രിയുടെ ദുരിതാശ്വാസ നിധിയിലേക്ക് മോഹൻലാലിന്റെ സംഭാവന

ലൂസിഫറിൽ പ്രിത്വിയും അഭിനയിക്കും..പ്രിത്വി അഭിനയിക്കുന്ന വേഷം !!


പ്രിഥ്വിരാജിന്റെ കന്നി സംവിധാനത്തില്‍ ഒരുങ്ങുന്ന ലൂസിഫറിന്റെ ആദ്യ ഘട്ട ഷൂട്ടിംഗ് പുരോഗമിക്കുകയാണ്. ഇടുക്കിയിലെ കനത്ത മഴ ചിത്രീകരണത്തിന് തടസം സൃഷ്ടിക്കുന്നുണ്ട്. ചിത്രത്തില്‍ നടനായും പ്രിഥ്വിരാജ് എത്തുന്നുവെന്ന സൂചനയാണ് ഇപ്പോള്‍ ലഭിക്കുന്നത്. ഒരു പൊലീസ് വേഷത്തിലാണ് പ്രിഥ്വി എത്തുന്നതെന്നാണ് അഭ്യൂഹം. ലൊക്കേഷനില്‍ നിന്നുള്ള ചില ചിത്രങ്ങള്‍ പ്രിഥ്വി അഭിനയിക്കുന്നുണ്ടെന്ന സൂചനകളെ ശരിവെക്കുന്നതാണ്. മുരളീ ഗോപിയുടെ തിരക്കഥയില്‍ ഒരുങ്ങുന്ന ചിത്രത്തില്‍ സാള്‍ട്ട് ആന്‍ഡ് പെപ്പര്‍ ലുക്കിലാണ് മോഹന്‍ലാല്‍ എത്തുന്നത്.

ഒരു താരമെന്ന നിലയിലും നടനെന്ന നിലയിലും മോഹന്‍ലാലിനെ ഉള്‍ക്കൊള്ളുന്ന ചിത്രമാണ് ലൂസിഫറെന്നാണ് അണിയറ പ്രവര്‍ത്തകര്‍ പറയുന്നത്. ആന്റണി പെരുമ്ബാവൂര്‍ നിര്‍മിക്കുന്ന ചിത്രത്തില്‍ മഞ്ജു വാര്യരാണ് നായിക. വിവേക് ഒബ്‌റോയ്, ടോവിനോ തോമസ്, ഇന്ദ്രജിത്ത്, ഫാസില്‍, സാനിയ ഇയ്യപ്പന്‍ തുടങ്ങിയവരും പ്രധാന വേഷങ്ങളില്‍ എത്തുന്നു. തിരുവനന്തപുരത്തും മുംബൈയിലും ഷൂട്ടിംഗുണ്ട്.

പ്രിഥ്വിയും മോഹന്‍ലാലും ആദ്യമായി ഓണ്‍സ്‌ക്രീനില്‍ ഒന്നിക്കുന്നുവെന്ന സൂചനകള്‍ ഇരുവരുടെയും ആരാധകരെ ഒന്നുകൂടി ആവേശത്തിലാക്കിയിട്ടുണ്ട്.

തൈമൂറിന് ബോഡി ഗാർഡിനെ വെക്കാൻ തയ്യാറായി സൈഫ് അലിഖാനും കരീന കപൂറും..കാരണം !!


മാതാപിതാക്കളുടെയൊപ്പം എയർപോർട്ടിലായിരിക്കുമ്പോഴും നാനിയോടൊപ്പം പ്ലേസ്കൂളിലായിരിക്കുമ്പോഴുമൊക്കെയാണ് പാപ്പരാസികൾക്ക് തൈമൂറിന്റെ ചിത്രങ്ങൾ പകർത്താൻ അവസരം ലഭിക്കുന്നത്. എന്നാൽ കുഞ്ഞുതൈമൂറിനൊപ്പം സെൽഫിയെടുക്കാൻ ഒരു ആരാധകൻ കാട്ടിയ വിക്രിയകളുടെ വിഡിയോ വൈറലായതിനെത്തുടർന്ന് സെയ്ഫും കരീനയും അൽപ്പം പരിഭ്രാന്തിയിലാണ്.

താരപരിവേഷമോ പദവിയോ എന്താണെന്നു പോലും മനസ്സിലാക്കാൻ പ്രായമായിട്ടില്ലാത്ത പിഞ്ചു തൈമൂറിനെ ആരാധകരുടെ അതിരു കടന്നുള്ള പെരുമാറ്റത്തിൽ നിന്ന് രക്ഷിക്കാനായി കുഞ്ഞിന് ബോർഡി ഗാർഡിനെ നിയമിക്കാനുള്ള ഒരുക്കത്തിലാണ് സെയ്ഫും കരീനയുമെന്നാണ് കുടുംബത്തോട് അടുത്ത വൃത്തങ്ങൾ നൽകുന്ന സൂചന.

ഇത്തവണ തിയറ്ററിൽ മുഴുവൻ സമയവും കണ്ണ് തുറന്നിരുന്നു കഞ്ചുറിങ് കാണുമെന്ന് തോന്നുന്നില്ല..കഞ്ചുറിങ്ങിന്റെ പുത്തൻ ട്രെയ്‌ലർ അതി ഭയാനകം !!


ട്രെയിലറിന്റെ തുടക്ക തന്നെ ആരാധകരുടെ ശ്വാസമിടുപ്പ് കൂട്ടുന്ന തരത്തിലുളളതാണ്. റൊമാനിയിയിലെ കൊട്ടാരത്തിലാണ് ദി നണ്‍ കഥ പറയുന്നത്. ട്രെയിലറിന്റെ തുടക്കത്തില്‍ തന്നെ അമേരിക്കയിലെ ഗോഥിക് സൂപ്പര്‍ നാച്ചുറല്‍ ഹെറര്‍ സിനിമ പ്രേക്ഷകരുടെ നെഞ്ചിടിപ്പ് കൂട്ടുന്ന തരത്തിലുളളതാണ്. ശവപ്പെട്ടി അകന്നു പോകുന്ന രംഗത്തോടെയാണ് സിനിമയുടെ ട്രെയിലര്‍ തന്നെ ആരംഭിക്കുന്നത്. അത് തന്നെ പ്രേക്ഷകരില്‍ ഭയം ഉളവാക്കുന്നുണ്ട്.

ധൂം 4ല്‍ നായകന്‍ ഷാരൂഖ് ഖാന്‍ എന്ന് റിപ്പോർട്ട്..സൽമാൻ ഖാന് പകരമാണോ ഷാരൂഖ് ??


ബോളിവുഡില്‍ സൂപ്പര്‍ഹിറ്റുകള്‍ സൃഷ്ടിച്ച ധൂം സീരീസിന്റെ നാലാം പതിപ്പില്‍ ഷാരൂഖ് ഖാന്‍ നായകനാകുന്നു. നേരത്തെ സല്‍മാന്‍ ഖാന്റെ പേരാണ് പറഞ്ഞു കേട്ടിരുന്നത്. എന്നാല്‍ ഈ ചിത്രത്തിന്റെ ഭാഗമാകാന്‍ താനില്ലെന്ന് സല്‍മാന്‍ ഖാന്‍ വ്യക്തമാക്കി. യഷ് രാജ് പ്രൊഡക്ഷന്‍സ് നിര്‍മ്മിക്കുന്ന ചിത്രത്തിന്റെ കഥ കേട്ട് ഷാരൂഖ് സമ്മതം മൂളിയെന്നാണ് റിപ്പോര്‍ട്ടുകള്‍. എന്നാല്‍ ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല. ജോണ്‍ എബ്രഹാം, ഹൃത്വിക് റോഷന്‍, ആമിര്‍ ഖാന്‍ എന്നിവരായിരുന്നു ആദ്യ മൂന്നു ഭാഗങ്ങളിലെ നായകന്മാര്‍. 2013ലാണ് ധൂം 3 പുറത്തിറങ്ങിയത്

കൊച്ചു കുഞ്ഞിനെ പോലെ ബിഗ് ബോസ്സിൽ പൊട്ടി കരഞ്ഞു ഷിയാസ്..ഒറ്റപ്പെടൽ സഹിക്കാൻ ആകുന്നില്ല..രഞ്ജിനിയുമായ് കടുത്ത വഴക്ക് !!


ക്യാപ്റ്റനായതിന് ശേഷവും വഴക്കിനും വാഗ്വാദത്തിനും യാതൊരു കുറവുമില്ല. ഇത്തവണയും അത് പൂര്‍വ്വാധികം ശക്തിയോടെ തുടരുകയാണ്. കൂട്ടത്തില്‍ ശക്തനായ എതിരാളിയായി ഷിയാസ് മാറുമെന്ന് മനസ്സിലാക്കിയാണോ മറ്റുള്ളവര്‍ താരത്തെ പ്രതിരോദഇക്കാന്‍ ശ്രമം നടത്തുന്നതെന്നാണ് താരത്തിന്റെ ആരാധകര്‍ ചോദിക്കുന്നത്. സോഷ്യല്‍ മീഡിയയിലൂടെ ശക്തമായ പിന്തുണ ലഭിക്കുന്ന മത്സരാര്‍ത്ഥികളിലൊരാളാണ് ഷിയാസ്. ഇത്തവണ സാബുവും രഞ്ജിനിയും അനൂപും ബഷീറുമായിരുന്നു താരത്തിനോട് വഴക്കിടാനെത്തിയത്.

പേളിയും ഷിയാസും തമ്മിലുള്ള മുട്ടന്‍ വഴക്ക് അടുത്തിടെയാണ് അവസാനിച്ചത്. അതിന് പിന്നാലെയായാണ് രഞ്ജിനി അവതരിച്ചത്. താരത്തിന്റെ ക്യാപ്റ്റന്‍സിയെ പരസ്യമായി വിമര്‍ശിച്ച താരം. ഷിയാസിന്‍റെത് മണ്ടന്‍ തീരുമാനമാണെന്ന് പറഞ്ഞും പരിഹസിച്ചിരുന്നു. ഇത് കേട്ടതിന് പിന്നാലെയായാണ് ഷിയാസും രഞ്ജിനിയും തമ്മില്‍ വഴക്കടിച്ച്‌ തുടങ്ങിയത്. ചിക്കന്‍ കറിയില്‍ത്തുടങ്ങിയ വഴ്ക് വലിയൊരു പൊട്ടിത്തെറിയിലാണ് അവസാനിച്ചത്. ബിഗ് ബോസ് ഇടപെട്ടിട്ടും ഈ പ്രശ്‌നത്തിന് പരിഹാരമായിരുന്നില്ല. ഒടുവില്‍ താരം വികാരധീനനായപ്പോള്‍ ആശ്വസിപ്പിക്കാന്‍ രഞ്ജിനി ഓടിയെത്തിയിരുന്നു.